Azərbaycan, Bakı, 4 noyabr /Trend, müxbir İlhamə İsabalayeva/
Mədəniyyət və Turizm Nazirliyi daha 5 mehmanxanaya dərəcə sertifikatları verib.
Trend nazirliyin rəsmi saytına istinadən bildirir ki, oktyabr ayında Bakı şəhərində fəaliyyət göstərən 5 mehmanxanaya dərəcə sertifikatları verilib. "Four Seasons Hotel Baku" mehmanxanasına 5 ulduz, "Park Hyatt" mehmanxanasına 5 ulduz, "Askar" mehmanxanasına 3 ulduz, "Nur-1" mehmanxanasına 3 ulduz, "Nur-2" mehmanxanasına isə 3 ulduz verilib.
Respublika ərazisində təsnifatdan keçmiş mehmanxana və mehmanxana tipli obyektlərin sayı 69-a çatıb.