...

Azərbaycanda əmək pensiyası alan şəxslərin sayı 1 290,1 min nəfər təşkil edir

Cəmiyyət Materials 19 Yanvar 2015 10:58 (UTC +04:00)
Azərbaycanda əmək pensiyaçılarının sayı 2014-cü ilin əvvəlinə 1277,1 min nəfər olub.
Azərbaycanda əmək pensiyası alan şəxslərin sayı 1 290,1 min nəfər təşkil edir

Azərbaycan, Bakı, 19 yanvar /Trend/

Azərbaycanda əmək pensiyaçılarının sayı 2014-cü ilin əvvəlinə 1277,1 min nəfər olub və ilkin məlumatlara əsasən, dekabr-yanvar aylarında 13 min nəfər və ya 1 faiz artaraq (o cümlədən yaşa görə 8 min nəfər azalıb, ailə başçısını itirməyə görə 4,3 min nəfər, əlilliyə görə 16,7 min nəfər artıb) 1 yanvar 2015-ci il tarixinə 1 290,1 min nəfər təşkil edib.

DSMF-nin İctimaiyyətlə əlaqələr sektorundan Trend-ə bildiriblər ki, 2015-ci ilin 1 yanvar tarixinə əmək pensiyalarının orta aylıq məbləği 173,4 manat, o cümlədən yaşa görə əmək pensiyasının orta aylıq məbləği 192,3 manat təşkil edib.

Əmək pensiyası "Əmək pensiyaları haqqında" qanunla nəzərdə tutulmuş qayda və şərtlərlə müəyyən edilən və məcburi dövlət sosial sığortasına cəlb olunan sığorta olunanların onlara əmək pensiyası təyin olunduqdan əvvəl aldıqları əməkhaqqı və digər gəlirlərin, yaxud sığortaolunanların ölümü ilə əlaqədar onların ailə üzvlərinin itirdikləri gəlirlərin kompensasiyası məqsədilə vətəndaşlara aylıq pul ödənişidir. Əmək pensiyasının üç növü var - yaşa görə əmək pensiyası, əlilliyə görə əmək pensiyası, ailə başçısını itirməyə görə əmək pensiyası.

Məqalədə:
Xəbər lenti

Xəbər lenti