Azərbaycan, Bakı, 8 iyul /Trend, müxbir İlhamə İsabalayeva/
Sabahdan Bakıda havanın temperaturu yenidən yüksələcək.
Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosundan Trend-ə verilən məlumata görə, iyulun 9-da Bakıda və Abşeron yarımadasında hava dəyişkən buludlu olacaq, arabir tutulacaq, yağmursuz keçəcək. Şimal-qərb küləyi əsəcək.
Paytaxtda havanın temperaturunun gecə 22-25, gündüz 30-35 dərəcə isti olacağı gözlənilir.
Azərbaycanın bölgələrində iyulun 9-da hava əsasən yağmursuz olacaq. Lakin axşam və gecə bəzi dağlıq rayonlarda şimşək çaxacağı, qısamüddətli yağış yağacağı ehtimalı var. Şərq küləyi əsəcək.
Aran rayonlarında havanın temperaturu gecə 22-27, gündüz 34-39, dağlarda gecə 13-18, gündüz 23-28 dərəcə isti olacaq.