...

“Excelsior Hotel & Spa Baku” otelində NU AİR məhsullarının təqdimatı keçirildi (FOTO)

Cəmiyyət Materials 14 İyun 2016 10:53 (UTC +04:00)
2016-cı il iyunun 10-da “Excelsior Hotel & Spa Baku” otelinin təşkilatçılığı ilə açıq hovuzun ətrafında NU AİR şirkətinin məhsullarının təqdimatı keçirilib.
“Excelsior Hotel & Spa  Baku” otelində NU AİR məhsullarının təqdimatı keçirildi (FOTO)

Bakı. Trend:

2016-cı il iyunun 10-da "Excelsior Hotel & Spa Baku" otelinin təşkilatçılığı ilə açıq hovuzun ətrafında NU AİR şirkətinin məhsullarının təqdimatı keçirilib.

Trend-in məlumatına görə, təqdimat mərasimində otellərin, barların, restoranların və kütləvi informasiya vasitələrinin nümayəndələri iştirak etdilər.

Bütün gecə boyu qonaqlar "Excelsior Hotel Baku" otelinin restoranının ləziz yeməkləri və müxtəlif estrada ifaçılarının çıxışından həzz almaq imkanı əldə etdilər. Onlara çayın müxtəlif növlərinin imkanları, çaydanlar, qəlyanlar, NU AİR şirkətinin qədəhləri və onlardan istifadə variantları nümayiş etdirildi.

Şirkət səhər və axşam istehlak üçün nəzərdə tutulan, tonusu qaldırmaq, arıqlamaq üçün bitki əsaslı çayların və içkilərin, həmçinin müxtəlif çeşiddə fitoçayların geniş siyahısını təqdim edir. NU AİR çaydanı davamlı şam ağacı və şüşədən əllə hazırlanmışdır və ondan həm çay dəmləmək, həm də soyuq içkilər: limonad, şirə və s. vermək üçün istifadə etmək olar.

Silikon halqa əllərinizi yanmaqdan qoruyur, boğazda yerləşən kiçik süzgəc isə fincana yalnız təmiz içkini buraxır. NU AİR qədəhi də həmçinin, yüksək temperatura davamlı möhkəm şüşədən hazırlanmışdır. Qədəhin iki dibi olduğundan, siz heç vaxt əllərinizi yandırmayacaqsınız, eyni zamanda, içki uzun müddət isti qalacaqdır. İsti çay, ətirli kapuçino və ya latte üçün idealdır.

NU AİR qəlyanları xüsusi davamlı şüşədən əllə sovrulur. Texnoloji dizayn təkcə estetik funksiyaları deyil, həm də praktiki vəzifələri yerinə yetirir. Kolbanın və digər elementlərin unikal konstruksiyası sayəsində qəlyan tütünün dadını kokteyllərin ətri ilə qarışdıraraq, maksimum dərəcədə tam hiss etməyə imkan verir. NU AİR qəlyanları xüsusi olaraq müxtəlif növ kokteyllərlə çəkmək üçün yaradılmışdır.

NU AİR şirkətinin baş direktoru Maksim Yaşin dedi ki, Bakını öz məhsulları üçün perspektiv bazar kimi nəzərdən keçirir. O, qeyd etdi ki, NU AİR qəlyanları əllə hazırlanır və artıq bu səbəbdən unikaldır. Bundan başqa, qəlyanları fərdi eskizlər üzrə də tərtib etmək imkanı vardır. Bu, oyma, yarıqiymətli və qiymətli daşlar və metallardan mozaika, inisialların həkk edilməsi ola bilər.

Qəlyanın xortumu istənilən rənglərdə piton və ya timsah dərisindən bəzədilə bilər. Bu qəlyanın özəlliyi ondan ibarətdir ki, aşağı kolbaya praktiki olaraq hər şey: meyvə, canlı bitkilər və ya xırda balıqlar, bəzək əşyaları və ya hər hansı dekorativ elementlər yerləşdirmək mümkündür.

NU AİR əməkdaşlığın keyfiyyətcə yeni formatını, otellər, barlar və restoranlar üçün çaylarının, qəlyanlarının və çaydanlarının keyterinqini: bütün zəruri tərkib hissələri ilə NU AİR qəlyanlarını, yüksək ixtisaslı xidmət personalını və populyar kokteyllərini, həmçinin çay menyusu əsasında qəlyanlar seçimini təqdim edir.

Məqalədə:
Xəbər lenti

Xəbər lenti