...

Məleykə Abbaszadə Yevlaxda vətəndaşları qəbul edib (FOTO)

Cəmiyyət Materials 5 Avqust 2016 17:21 (UTC +04:00)
Dövlət İmtahan Mərkəzi Direktorlar Şurasının sədri Məleykə Abbaszadə avqustun 5 də şəhər və rayonlarda vətəndaşların dövlət qurumlarının, mərkəzi icra hakimiyyəti orqanlarının rəhbərləri tərəfindən qəbulu cədvəlinə uyğun olaraq Yevlax şəhərində vətəndaşları qəbul edib.
Məleykə Abbaszadə Yevlaxda vətəndaşları qəbul edib (FOTO)

Bakı. Trend:

Dövlət İmtahan Mərkəzi Direktorlar Şurasının sədri Məleykə Abbaszadə avqustun 5 də şəhər və rayonlarda vətəndaşların dövlət qurumlarının, mərkəzi icra hakimiyyəti orqanlarının rəhbərləri tərəfindən qəbulu cədvəlinə uyğun olaraq Yevlax şəhərində vətəndaşları qəbul edib. Dövlət İmtahan Mərkəzindən Trend-ə verilən məlumata görə, qəbulda Mingəçevir, Goranboy, Naftalan, Yevlax, Ağdaş rayon sakinləri və bu rayonlarda məskunlaşmış qaçqın və məcburi köçkünlər iştirak ediblər.

Görüşdə əsasən ümumi orta təhsil bazasında orta ixtisas təhsili müəssisələrinin boş qalan plan yerlərinə, ali təhsil müəssisələrinə və rezidentura pilləsinə ixtisas seçimi, həmçinin TQDK-nın səlahiyyətlərinə aid olmayan məsələlərlə əlaqədar DİM Direktorlar Şurasının sədrinə müraciət edilib. Komissiyanın səlahiyyətlərinə aid olan bəzi məsələlər yerindəcə həll edilib. Digər müraciətlərin araşdırılması və baxılması üçün qeydiyyatı aparılıb. Komissiyanın səlahiyyətlərinə aid olmayan müraciətlərin aidiyyəti qurumlara çatdırılacağı vətəndaşlara bildirilib.

Qeydiyyatdan keçənlərlə yanaşı görüş zamanı birbaşa müraciət edən vətəndaşlar da M. Abbaszadə tərəfindən dinlənilib və onların müraciətlərinin həlli üçün müvafiq tədbirlər görülüb.

Görüşdə 40-dək vətəndaş iştirak edib.

Məqalədə:
Xəbər lenti

Xəbər lenti