...

Fuad Muradov: 16 medal Azərbaycanın idman sahəsində inkişafının göstəricisidir

Cəmiyyət Materials 21 Avqust 2016 14:05 (UTC +04:00)
"Azərbaycan idmançılarının Rioda keçirilən Yay Olimpiya oyunlarındakı uğurları hər birimizi sevindirir. Qazanılan hər medal, Azərbaycan bayrağının dalğalanması və himnimizin səsləndirilməsi qürurvericidir"
Fuad Muradov: 16 medal Azərbaycanın idman sahəsində inkişafının göstəricisidir

Bakı. Trend: 

"Azərbaycan idmançılarının Rioda keçirilən Yay Olimpiya oyunlarındakı uğurları hər birimizi sevindirir. Qazanılan hər medal, Azərbaycan bayrağının dalğalanması və himnimizin səsləndirilməsi qürurvericidir".

Trend-in məlumatına görə, bu sözləri açıqlamasında Milli Məclisin Gənclər və İdman Komitəsinin sədri Fuad Muradov bildirib. 

Komitə sədri qeyd edib ki, idmançılarımızın bu günə qədər qazandığı 16 medal Azərbaycanın idman sahəsində inkişafının göstəricisidir. 

"Əvvəlki Olimpiya oyunlarında olduğu kimi bu dəfə də idmançılarımız bizi sevindirməkdə davam edir. Əlbəttə, bu ölkə Prezidenti cənab İlham Əliyevin idman və gənclərin inkişafına göstərdiyi xüsusi diqqət və qayğının nəticəsidir. Bu gün Azərbaycanın demək olar ki, bütün bölgələrində idman kompleksləri var. Gənclərin bu sahəyə marağı gündən-günə artır. Bu həm idmana olan dövlət qayğısının, həm də idmançılarımızn uğurlarının sayəsində baş verir. Düşünürəm ki, idmançılarımız bundan sonra da Azərbaycan bayrağını qaldırmaqda davam edəcəklər." 

Fuad Muradov qızıl medal qazana bilməyən idmançılarımız barədə sosial şəbəkələrdə sələndirilən fikirlərə də münasibət bildirib: "Bu bir yarışdır. İdmaçını qalib və məğlub olması təbiidir. Odur ki, uğurlarına sevindiyimiz kimi, məğıubiyyətlə üzləşdikləri zaman idmançılarımıza mənəvi dəstək olmalıyıq ki, növbəti uğurlara doğru onlarda ruh yüksəkliyi yaransın.
 
Komitə sədri bütün idmançılarımızı təbrik edib və yeni nəaliyyətlər arzulayıb.

Məqalədə:
Xəbər lenti

Xəbər lenti