Bakı. Samir Əli - Trend:
Qaradağ rayon İcra Hakimiyyətinin başçısı Süleyman Mikayılov Qaradağ rayonunda 2 qaz xəttində baş vermiş partlayışla əlaqədər əraziyə gəlib.
Trend-in hadisə yerində olan müxbirinin verdiyi məlumata görə, icra başçısı ərazidə partlayış nəticəsində baş vermiş yanğının qarşısının alınması ilə bağlı görülən tədbirlərlə tanış olur.
Qeyd edək ki, bu gün Bakı şəhəri, Qaradag rayonunda diametri 1000-1200 mm olan 2 ədəd qaz xəttində yanğınla nəticələnən partlayış baş verib.
Hadisə nəticəsində xəsarət alan olmayıb, yanğının söndürülməsi işləri davam edir, yaşayış məntəqələri üçün təhlükə yoxdur.
