...

“ASAN həyat şənliyi” baş tutacaq

Cəmiyyət Materials 17 Mart 2018 17:37 (UTC +04:00)
18, 19, 25 mart 2018-ci il tarixlərində Masallı, Mingəçevir və Quba “ASAN həyat” Komplekslərində Novruz şənliyi keçiriləcək.
“ASAN həyat şənliyi” baş tutacaq

Bakı. Trend:

18, 19, 25 mart 2018-ci il tarixlərində Masallı, Mingəçevir və Quba “ASAN həyat” Komplekslərində Novruz şənliyi keçiriləcək.

Trend-in məlumatına görə, “ASAN xidmət” və Park Cinemanın birgə təşkilatçılığı, ASAN Radio və Xəzər TV-nin informasiya dəstəyi ilə təşkil olunan şənlik yerli sakinlərə əsl bayram əhval-ruhiyyəsi yaşadacaq.

“ASAN həyat şənliyi” şüarı ilə baş tutan konsert proqramında məşhur sənətçilər səhnədə bir – birindən möhtəşəm mahnılarını ifa edəcəklər. Bayram proqramı şənliyinə məşhur aktyorların imza günü və film təqdimatı da daxildir.

Qeyd edək ki, “ASAN həyat” konsepsiyası “ASAN xidmət” mərkəzi ilə yanaşı, ictimai iaşə obyektlərini də özündə birləşdirir. Belə ki, vətəndaşlar operativ və nümunəvi xidmətlə yanaşı, bu konseptin istirahət və əyləncə imkanlarından da istifadə edirlər. “ASAN həyat” Kompleksi vətəndaş rahatlığı üçün həyat standartlarının yaxşılaşdırılmasına xidmət edən müxtəlif həlləri əhatə edir.

Məqalədə:
Xəbər lenti

Xəbər lenti