...

Azərbaycan Həcc ziyarətinə əlavə yerlərin ayrılması üçün Səudiyyə Ərəbistanına müraciət edə bilər

Cəmiyyət Materials 16 May 2018 13:24
Azərbaycan Həcc ziyarətinə kvotadan əlavə yerlərin ayrılması üçün Səudiyyə Ərəbistanı Krallığına müraciət edə bilər.
Azərbaycan Həcc ziyarətinə əlavə yerlərin ayrılması üçün Səudiyyə Ərəbistanına müraciət edə bilər

Trend-i buradan izləyin

Bakı. Elçin Mehdiyev - Trend:

Azərbaycan Həcc ziyarətinə kvotadan əlavə yerlərin ayrılması üçün Səudiyyə Ərəbistanı Krallığına müraciət edə bilər.

Qafqaz Müsəlmanları İdarəsindən Trend-ə verilən məlumata görə, bu il Həcc ziyarəti üçün Azərbaycana ayrılan kvota üzrə 1440 zəvvar sənəd verib. Ancaq Həcc ziyarəti üçün əlavə müraciət edənlər var və müraciətlər davam edir.

QMİ-dən bildirilib ki, məsələnin həlli istiqamətində məsləhətləşmələr aparılır və əgər qərar qəbul olunsa, kvotadan əlavə yerlərin ayrılması üçün Səudiyyə Ərəbistanı Krallığına müraciət olunacaq.

Xatırladaq ki, Həcc ziyarətinə getmək üçün sənəd qəbulu fevralın 10-dan başlayıb və iyulun 15-dək davam etməlidir, lakin müraciətlər çox olduğundan kvota vaxtından əvvəl dolub. Ziyarətin avqustun 14-dən 17-dək baş tutması, geri dönüşün isə sentyabrın 1-dən 4-nə qədər həyata keçirilməsi nəzərdə tutulur.

Həcc ziyarətinin qiyməti isə 4150 ABŞ dolları təşkil edir.

Məqalədə:
Xəbər lenti

Xəbər lenti