Multidissiplinar Elmi Forum keçirildi (FOTO)

Bakı. Trend:

Azərbaycan Elm Assosiasiyası sayca 2-ci olan Multidissiplinar Elmi Forum (MEF 2019) təşkil edib.

Trend-in məlumatına görə, Forum həm dəqiq, həm də humanitar elm sahələrini əhatə edib: tədbirin birinci günündə humanitar elmlər üzrə, ikinci günündə isə dəqiq elmlər üzrə 6 seminar təqdim edilib.

Bununla yanaşı, hər iki gün ərzində "Azgreen" şirkəti və "İLM-Learn" kursu tərəfindən müxtəlif demoların nümayişi də baş tutub. Avropa-Azərbaycan Məktəbinin Badamdar korpusunda keçirilmiş forumun spikerləri Azərbaycanda və ölkə hüdudlarından kənarda nüfuz sahibi olan ekspertlər olublar.

Qeyd edək ki, Multidissiplinar Elmi Forum Azərbaycan Elm Assosiasiyasının keçirdiyi sayca ikinci forumdur. Assosiasiya müntəzəm qaydada müxtəlif elmi mövzuları əhatə edən seminarlar keçirir, internet üzərindən videolar, məqalələr və infoqrafikalar hazırlayaraq paylaşır.

İnformasiya dəstəyi - Trend.az