...

KOBİA-nın "Könüllülər ili"nə töhfəsi: "Könüllünün öz/əl kitabı" nəşr olunub

Cəmiyyət Materials 23 Aprel 2020 17:53 (UTC +04:00)
KOBİA-nın "Könüllülər ili"nə töhfəsi: "Könüllünün öz/əl kitabı" nəşr olunub

Bakı. Trend:

Azərbaycan Respublikası Prezidentinin Fərmanına uyğun olaraq, 2020-ci il ölkəmizdə "Könüllülər ili" elan edilib. "Könüllülər ili"nə töhfə vermək məqsədilə Azərbaycan Respublikasının Kiçik və Orta Biznesin İnkişafı Agentliyinin (KOBİA) dəstəyi və "KOB könülllüləri"nin təşəbbüsü ilə "Könüllünün öz/əl kitabı" nəşr edilib.

Agentlikdən Trend-ə bildirilib ki, könüllülük fəaliyyətinin təşviqi məqsədilə çap olunmuş kitab işgüzar inkişafında, karyerasında müvəffəqiyyət qazanmaq istəyən, könüllü olaraq ilk addımlarını atan gənclərə, o cümlədən hazırda könüllü olan tələbələrə, həmçinin onların valideynlərinə, fəaliyyətlərinə könüllü cəlb etmək istəyən dövlət və özəl qurumlara ünvanlanıb.

13 min tirajla nəşr olunmuş "Könüllünün öz/əl kitabı" könüllülüyün tarixi, bu sahədə beynəlxalq təcrübə, könüllülərlə işin təşkili, ölkəmizdə fəaliyyət göstərən milli könüllü təsisatları barədə məlumatların yer aldığı 13 bölmədən ibarətdir.

Gənclərin və könüllülərin gələcək fərdi və biznes yönümlü inkişafında, o cümlədən karyera planlamasında əhəmiyyətli vasitələrdən olacaq "Könüllünün öz/əl kitabı" 2020-ci il ərzində ölkəmizdə fəaliyyət göstərən müxtəlif təşkilatların könüllülərinə pulsuz olaraq paylanılacaqdır.

Məqalədə:
Xəbər lenti

Xəbər lenti