Bakı. İlhamə İsabalayeva - Trend:
Orta məktəblərdə fərqlənmə attestatlarının və medalların verilməsində heç bir dəyişiklik yoxdur.
Trend-in məlumatına görə, bunu Təhsil Nazirliyinin Ümumi və məktəbəqədər təhsil şöbəsinin müdir müavini Orxan Abbasov deyib.
Onun sözlərinə görə, şagirdlərə fərqlənmə attestatlarının və medalların verilməsi üçün məktəbdaxili qiymətləndirilmə sona çatmalıdır. Fərqlənmə attestatlarının verilməsi üçün Dövlət İmtahan Mərkəzi tərəfindən buraxılış imtahanlarının və Respublika Fənn Olimpiadasının final mərhələsi də bitməlidir.