Bakı. İlhamə İsabalayeva - Trend:
Koronavirus onu dayandırmağı bacarana qədər həyatımızda olmağa davam edəcəkdir. Bunu başa düşməliyik.
Trend-in məlumatına görə, bunu Ümumdünya Səhiyyə Təşkilatının Azərbaycandakı nümayəndəliyinin rəhbəri Hande Harmançı deyib.
Onun sözlərinə görə, qarşımızda çox uzun bir yol var:
"Xoşumuza getmədiyimiz, öyrəşmədiyimiz, bizim üçün çətin olacaq işləri görmək məcburiyyətində olacağımız aylar var. Başqa bir qısa yolu yoxdur. Hər kəs fiziki məsafəni qoruyub saxlasın, əllərini yusun, maska taxsın. Tibb işçiləri, test edin, təcrid edin, təmasları izləyin və karantinə alın. Yalnız bu şəkildə özümüzü və yaxınlarımızı qoruya bilərik".