...

Los-Ancelesdəki erməni vandalizmi “Hədəf”də müzakirə olunub (FOTO)

Cəmiyyət Materials 22 İyul 2020 22:27 (UTC +04:00)
Los-Ancelesdəki erməni vandalizmi “Hədəf”də müzakirə olunub (FOTO)

Bakı. Trend:

Los-Ancelesdə yaşayan radikal erməni daşnakları Azərbaycanın Los-Ancelesdəki baş konsulluğunun binası qarşısında aqressiv və təxribatçı şüarlarla etiraz aksiyası keçiriblər. Erməni radikal qüvvələrinin aksiyasına cavab olaraq Kaliforniyada yaşayan Azərbaycan icmasının üzvləri sayca onlardan dəfələrlə çox olan erməni təxribatçılarının qarşısına çıxıb və Ermənistanın Azərbaycana qarşı təcavüzü və etnik təmizləmə siyasətini ifşa edən şüarlar səsləndiriblər.

Radikal erməni daşnakları dinc azərbaycanlı nümayişçilərə qarşı zorakılıq və aqressiya nümayiş etdirib, hətta təhlükəsizliyi təmin etməyə cavabdeh olan Los-Anceles polisi belə onların bu vandalizminin qarşısını almağa müvəffəq olmayıb. Azərbaycanlı nümayişçilərə hücum edən erməni radikal nümayəndələri biri qadın olmaqla 7 nəfərə müxtəlif dərəcəli xəsarətlər yetiriblər. Azərbaycan Televiziyasının (AzTV) “Hədəf” proqramında erməni vandalizmi müzakirəyə çıxarılıb. Verilişin qonaqları, Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov və Milli Məclisin üzvü Cavanşir Feyziyev ermənilərin Los-Ancelesdəki barbarlığı haqqında fikirlərini səsləndiriblər. Bildirilib ki, ermənilər dünyanın hər yerlərində mənfur addımlara əl atırlar, açıq-aşkar zorakılığa, terrora cəhdlər göstərirlər ki, bu tarix boyu belə olub. Qeyd olunub ki, radikal erməni lobbisi tərəfindən təşkil olunmuş bu hadisə pislənməli, cinayəti törədən ermənilər ABŞ hüquq-mühafizə orqanları tərəfindən ciddi şəkildə cəzalandırılmalıdırlar.

Proqramın tam versiyasına “YouTube” kanalımızdan baxa bilərsiniz

https://www.youtube.com/watch?v=8rtZ-iB4RKA

https://www.instagram.com/aztvresmi/?hl=ru

http://www.aztv.az/az/

https://www.facebook.com/aztvresmi

https://twitter.com/aztvresmi

https://www.youtube.com/channel/UCVf7OL0jKiO1OMHN_qaNf0w

İnformasiya dəstəyi – Trend.az

Məqalədə:
Xəbər lenti

Xəbər lenti