Bakı. Trend:
Baş Prokurorluq tərəfindən ekologiya sahəsindəki qanun pozuntularına qarşı mübarizə gücləndirilib.
Trend-in məlumatına görə, bu barədəBaş Prokurorluqda keçirilən Kollegiya iclasında Baş prokuror Kamran Əliyev deyib.
2022-ci ildə Baş Prokurorluq tərəfindən ekoloji hüquqpozmalarla
bağlı 212 cinayət işi, 124 inzibati xəta haqqında iş üzrə icraat
başlanmış, 22 vəzifəli şəxs barəsində təqdimat verilib.
Həmçinin, ekoloji hüquqpozlara dair məlumatlar araşdırılan zaman
ətraf mühitin mühafizəsi üzrə dövlət fonduna 486 min 621 manat
məbləğində pulun dövlət büdcəsinə ödənilməsi təmin edilmişdir.
Bununla yanaşı, kəsilmiş ağacların əvəzinə 493 min manat dəyərində
yeni ağacların əkilməsi təmin edilib.