Bakı. Trend:
Bu ilin yanvar-iyul aylarında Azərbaycanda 299 678 daşınmaz əmlak üzərində mülkiyyət hüququnun qeydiyyatı aparılıb.
Bu barədə Trend-ə İqtisadiyyat Nazirliyi yanında Əmlak Məsələləri Dövlət Xidmətindən bildirilib.
Bu, 2022-ci ilin eyni dövrü ilə müqayisədə 53,2 % çoxdur.
7 aylıq göstəricinin 47 406-sı (15,8 %) ilkin, 252 272-si (84,2 %) isə təkrar qeydiyyatın payına düşüb.
Qeydiyyatı aparılan əmlaklardan 29 846-sı fərdi yaşayış və bağ evi, 53 408-i mənzil, 209 806-sı torpaq sahəsi, 1 815-i qeyri-yaşayış binası, 4 320-si qeyri-yaşayış sahəsi, 415-i əmlak kompleksi, 68-i isə çoxmərtəbəli yaşayış binasıdır. Bunların 56 177-si Bakı şəhərinin, qalanı isə bölgələrin payına düşür.
Hesabat dövründə 245 855 daşınmaz əmlakın texniki inventarlaşdırılması aparılıb və texniki pasportu tərtib edilib. Bu isə 1 il əvvələ nisbətən 61,2 % çoxdur.
İl ərzində qeydiyyata alınan ipoteka müqavilələrinin sayı isə 17,3 % artaraq 46 611 təşkil edib.