Bakı. Trend:
Xəbər verdiyimiz kimi, işğaldan azad edilən Xocalıda təmir-bərpa işləri davam etdirilir.
Trend xəbər verir ki, İTV mövzu ilə bağlı süjet hazırlayıb.
Memar Elnur Abdullayev deyib ki, Xocalıda 283 evdə əsaslı təmir-bərpa işləri aparılır.
"Bununla yanaşı, Xocalı şəhərinin bütün kommunikasiya xətləri, içməli su, rabitə, kanalizasiya, elektrik və digər daşıyıcı magistral xətlər bitmək üzrədir.
Artıq ev birləşmələri işlərinə start verilib. Eyni zamanda Xocalı şəhərinin məişət tullantılarından təmizlənməsi prosesi aparılır. Quruculuq abadlıq işləriylə paralel şəhərin abadlaşdırılması, yaşıllaşdırılması, ekoloji vəziyyətin yaxşılaşdırılması işləri də tam sürətlə davam edir",- deyə o, qeyd edib.
Ətraflı süjeti təqdim edirik: