Bakı. Trend:
Artıq çəki ilə mübarizədə əsas düstur kalori defisiti yaratmaqdır. Yəni bədəndə yandırılan kalori, qəbul ediləndən çox olmalıdır. Nəticədə artıq çəki dediyimiz iç və dəri altı yağlar toplanmağa imkan tapmadan parçalanır.
Trend xəbər verir ki, bu fikirləri Səhiyyə Nazirliyinin rəsmi instaqram hesabında nazirliyin mütəxəssis-eksperti, qastroenteroloq Emin Məmmədov açıqlayıb.
Onun sözlərinə görə, Novruz bayramında orqanizmdə karbohidrat axını baş verir. Dadlı şirniyyatlardan keçmək mümkünsüz görünür və nəticədə bel çevrənizin piylənməsi üçün ideal şərait yaranır. İnsan, beynində qarşıya qoyduğu problemin həlli üçün mütləq bir düstur olduqda, onun həllinə çalışır. Əks halda nə edəcəyini bilmədikdə, beyin yorulmasın deyə, özünü əziyyətə vermir və şəkərdən zövq almağa davam edir
“Niyə mövzunu şəkər üzərində qurmuşuq. Çünki, şəkəri, insanın
əsas zərərli vərdişi limi qəbul etmək lazımdır. Burada digər sual
meydana çıxır: bəs yağlar? Sağlam yağlardan qorxmaq lazım
deyil.
Yediyiniz hər paxlavanın və şəkərburanın hesabını kalori verərək
ödəmək lazımdır. Bunun üçün yürüyüş etmək, aralıqlı ac qalmaq
tövsiyə olunur. Yəni minimum 4 və 8-12 saatlıq ac qalmaqla bədəndə
metabolizmi aktivləşdirə və yağları yandırmaq mümkündür. Hər gün
aktiv templə ən azı 40 dəqiqə yürüş etmək həm fiziki, həm də
psixoloji olaraq sağlam qalmağa faydalıdır”, - deyə o bildirib.