Cari ilin oktyabr ayına qədər Azərbaycan Respublikası Ali Məhkəməsinə (AM) yeni təyinatlar olacaq. Bu barədə Trend ə Məhkəmə Hüquq Şurasından məlumat verilib.
Prezidentin sərəncamı ilə AM-yə daha 8 hakimin təyin ediləcəyi gözlənilir.
Qeyd edək ki, hazırda AM-də 22 hakim fəaliyyət göstərir. Sonuncu dəfə adıçəkilən məhkəməyə təyinatlar may ayında olub. Həmin vaxt prezidentin sərəncamı ilə AM-yə 4 hakim təyin olunub.
Lakin qeyd olunan təyinatlar sonuncu deyil və hakimlərin sayının artırılması 2007-ci ildə də müşahidə olunacaq.
Hakimlərin sayı mühakimənin səmərəliliyinin və keyfiyyətinin təmin olunması məqsədilə artırılır.