...

Əmlak Komitəsinin "Azadlıq" qəzetinə qarşı iddiası ilə bağlı məhkəməyə hazırlıq iclası keçirilib

Cəmiyyət Materials 31 Oktyabr 2006 18:31 (UTC +04:00)

Trend-i buradan izləyin

Oktyabrın 31-də Bakıda 1 saylı İqtisad Məhkəməsində hakim Ülvi Mayılovun sədrliyi ilə Dövlət Əmlakının İdarə edilməsi üzrə Dövlət Komitəsinin (DƏİDK) "Azadlıq" qəzetinə qarşı qaldırdığı iddia üzrə məhkəməyə hazırlıq iclası keçirilib. Bu barədə Trend ə məhkəmədən məlumat verilib.

İiclasda hər iki tərəfin nümayəndələri çıxış edib. "Azadlıq" qəzeti indiyədək redaksiya ilə müqavilə bağlamadığına görə DƏİDK-ya qarşı qarşılıqlı iddia qaldırıb. Məhkəmə iddianı qəbul edib.

Hazırlıq iclasında iş üzrə məhkəmə prosesi noyabrın 14-nə saat 10.30-a təyin edilib.

Xatırladaq ki, DƏİDK "Azadlıq" qəzetinin Xaqani küçəsi, 33 ünvanındakı binasının boşaldılması və binanın komitəyə verilməsi barədə oktyabırn 13-də 1 saylı İqtisad Məhkəməsində iddia qaldırıb. İddiaçı binanın "Azadlıq" qəzeti redaksiyasına verilməsi haqda Bakı Şəhər İcra Hakimyyəti başçısının imzaladığı sərəncamın qüvvədən düşmüş hesab olunmasını xahiş edir. Komitə həmçinin "Azadlıq" qəzetindən vurulmuş zərərin müqabilində 30.904 manat cərimə tələb edir.

Xəbər lenti

Xəbər lenti