Azərbaycan, Bakı /müxbir Trend K. Zərbalıyeva/Azərbaycan Ədliyyə Nazirliyinin Penitensiar Xidmətinin cəzaçəkmə müəssisələrində saxlanılan məhkumlar üçün Novruz bayramı münasibəti ilə martın 20-22-də bayram süfrələri açılacaq. Penitensiar Xidmətdən bildirilib ki, bir neçə gün əvvəldən başlayaraq bəzi dövlət və qeyri-hökumət təşkilatları 3, 4, 6, 11, 15-ci cəzaçəkmə müəssisələrində, yetkinlik yaşına çatmayanların məcburi tərbiyə müəssisəsində bayram konsertləri təşkil edib. Bayram günləri bütün cəzaçəkmə müəssisələrində məhkumlara incəsənət ustalarının iştirakı ilə bayram konsertləri keçiriləcək.