...

Müstəqil Azərbaycan Universiteti ilə bağlı məhkəmə təxirə salınıb

Cəmiyyət Materials 6 Aprel 2007 18:15 (UTC +04:00)

Azərbaycan, Bakı / Trend müxbir K. Zərbalıyeva/ Müstəqil Azərbaycan Universitetinin (MAU) rektoru Abbas Mustafayev barəsindəki hökmdən Respublika Prokurorluğunun verdiyi protest üzrə Apellyasiya məhkəməsində hakim Hüseyn Talıbovum sədrliyi ilə bu günə təyin olunmuş hazırlıq iclası təxirə salınıb. Talıbov cümə günü Trend ə bildirib ki, Mustafayev məhkəməyə gəlmədiyi üçün hazırlıq iclası aprelin 13-ə təxirə salınıb.

Hakim Mustafayevin prosesdə iştirakını vacib hesab etdiyindən apellyasiya protestinə onun iştirakı ilə baxılmalı olduğunu deyib. Prokurorluq Mustafayev barəsində təyin olunan cəzanı yüngül hesab etdiyindən hökmün dəyişdirilməsini istəyir. Apellyasiya protesti Apellyasiya Məhkəməsinə göndərilib.

MAU-nun rektoru Abbas Mustafayev, mühasib Esmira Eyvazova, xəzinədar Şirin Əsgərova barəsində Cinayət Məcəlləsinin 213.4-cü (vergi ödəməkdən yayınma), 308.1-ci (vəzifə səlahiyyətlərindən sui-istifadə) maddələri ilə başlanmış cinayət işinin istintaqı baş prokuror yanında Korrupsiyaya Qarşı Mübarizə İdarəsində aparılıb.

Mustafayev barəsində başqa yerə getməmək barədə qəti imkan tədbiri seçilib.

Martın 2-də Binəqədi rayon məhkəməsinin hökmü ilə Eyvazova və Əsgərova barəsində Cinayət Məcəlləsinin 213.4-cü (vergi ödəməkdən yayınma) maddəsi ilə cinayət işinə xitam verilib, Mustafayev isə şərti maliyyə vahidinin 2000 misli məbləğində cərimələnib.

Xəbər lenti

Xəbər lenti