Azərbaycan, Bakı, 22 iyun /müx.TrendLife Eldar Hüseynzadə/Çoxları elə bilir ki, "Nə? Harda? Nə zaman?" oyunu Moskvadakı kimi canlı gedir. Buna hələ çox var. TrendLife-a verdiyi məlumata görə, game.az prodüsser mərkəzinin rəhbəri, eyni zamanda layihənin aparıcısı Balaş Qasımov heç vaxt gizlətməyib ki, oyun canlı getmir. Lakin bunu açıq da etiraf etməyib.
Buna baxamayaraq biz ondan "Nə? Harda? Nə zaman?" oyunun canlı keçirilib-keçirilməyəcəyini soruşduq. "Mən söz vermişdim ki, bu ilin ikinci yarımilliyində. Biz bu sual üzərində çalışırıq. Məsələn, indi bizdə televiziya qrupunun rejissoru dəyişib. Deyə bilmərəm ki, payızda çıxacağıq. Lakin heç olmasa, qışda oyun canlı efirdə keçiriləcək. Bu yüz faizdir" - deyə o bildirdi.