Azərbaycan, Bakı / Trend müxbir İ.Əlizadə / Azərbaycanın İnsan Hüquqları üzrə müvəkkili Elmira Süleymanova və Müdafiə Nazirliyi rəhbərliyinin birgə təsdiq etdikləri plan-cədvələ uyğun olaraq Ombudsman Aparatının əməkdaşları Tərtər rayonu ərazisində yerləşən hərbi hissələrdə olublar. Bu barədə cümə günü Ombudsman Aparatının mətbuat xidmətindən məlumat verilib.
Səfərdə əsas məqsəd hərbi hissələrin şəxsi heyətinin insan hüquqlarının və əsas azadlıqlarının təmin olunması ilə bağlı monitorinq aparmaq olub. Ombudsmanın nümayəndələri hərbi hissələrdə insan hüquqlarının tədris olunmasını təklif ediblər. Onlar hərbi hissələrdə şəxsi heyətin mənzil-məişət şəraiti ilə tanış olub, yataq otaqlarına, tibbi hissəyə, istirahət yerlərinə, yeməkxanaya, kitabxanaya baxış keçiriblər. Baxış zamanı hərbi hissələrin qida və dərman preparatları ilə təchiz olunmasında vəziyyətin yaxşılaşdığı müşahidə olunub.
Ombudsman Aparatının əməkdaşları Bərdə rayon Polis Şöbəsinin müvəqqəti saxlama təcridxanasına da baxış keçiriblər.