Azərbaycan, Bakı / "TrendLife" müxbir E. Hüseynzadə/ Sentyabrın 6-da Azərbaycan Dövlət filarmoniyasında böyük konsert təşkil olunacaq. Bu haqda "TrendLife"a Mədəniyyət və turizm nazirliyinin musiqi şöbəsinin rəhbəri Fərəh Əliyeva xəbər verib. Onun dediyinə görə Bakıya Ural Akademik Filarmoniyası gələcək. Solist qismində dünya şöhrətli pianoçu Boris Berezovski çıxış edəcək. O, bu günləri dünyada ən tələbatlı pianoçudur. Gecədə Qara Qarayevin "İldırımlı yollarla" baletindən bir parça səslənəcək. Dirijor Dmitri List olacaq.