Azərbaycan, Bakı / "TrendLife" müxbir E. Hüseynzadə/ Bu gün Bülbül ev muzeyinin direktoru Azərbaycanın görkəmli müğənnisi Bülbülün həyat yoldaşı Adelaida Məmmədovanın 85 yaşı tamam oldu.
Mədəniyyət və turizm nazirinin mətbuat katibi İntiqam Hümbətovun "TrendLife"a verdiyi məlumata görə nazir Əbülfəz Qarayev bu münasibətlə Adelaida xanımı təbrik edib. Nazir onun muzey üzərində böyük əməyinə görə minnətdarlığını bildirdi. Onu da qeyd edək ki, bu muzey Ümumilli liderimiz olan Heydər Əliyevin dəstəyi ilə 1982-ci ildə yaranıb. Dünən prezident İlham Əliyev Adelaida Məmədovanı "Şöhrət" ordeni ilə təltif etdi. Yuğiley tədbirində Azərbaycanın digər muzeylərinin də nümayəndələri iştirak edirdi. Adelaida xanımını yubileyi üçün xüsusi olaraq onun oğlu Rusiyada Azərbaycanın səfiri Polad Bülbüloğlu da gəlmişdir.
.