Azərbaycan, Bakı, 2 aprel /Trend/
AZAL klubunun məşqçilər korpusunun üzvləri istefa veriblər.
Trend-in PFL-ə istinadən verdiyi məlumata görə, qısa sürən görüşdə baş məşqçi Rafiq Mirzəyev və onun köməkçiləri komandadan getmək istədiklərini rəhbərliyə çatdırıblar.
Belə ki, onlar rəsmi ərizə ilə müraciət edərək tutduqları vəzifədən istefa verdiklərini bildiriblər.
Klub rəhbərliyi məşqçilər korpusunun istefasını qəbul edib.
Qeyd edək ki, bu, cari mövsümdə AZAL-da ikinci baş məşqçi dəyişikliyidir. Bundan əvvəl Elxan Abdullayev istefaya göndərilmişdi.