Azərbaycan, Bakı, 11 iyun /Trend/
8-10 iyun tarixlərində Bolqarıstanın paytaxtı Sofiya şəhərində keçirilən Şərq əlbəyaxa döyüşü Olimpiadasında kunqfu-sanda üzrə idmançılarımız uğur qazanıb.
Trend-in məlumatına görə, Avropa Uşu-sanda Federasiyasının vitse-prezideneti Babək Əliyevin iki sagirdi - 90 kiloqram çəki dərəcəsində Mustafa Məmmədzadə və 75 kiloqram çəki dərəcəsində Fərid Mailov bütün rəqiblərinə qalib gələrək, fəxri kürsünün ən ali zirvəsinə qalxa biliblər.
Xartırladaq ki, Babək Əliyev uşu-sanda üzrə 8 qat dünya çempionudur. Qaliblər sabah Vətənə qayıdırlar.