Azərbaycan, Bakı, 27 iyul /Trend/
Böyük Britaniyanın olimpiya yığmasının futbolçuları - Uelsdə anadan olmuş Rayan Giqqz və Kreyq Bellami, eləcə də şotlandlar Kim Littl və İdeoma Dieke matç başlamazdan əvvəl "İlahi, Kraliçanı hifz et!" himnini oxumaqdan imtina ediblər. Kişilərdən ibarət yığma Seneqal komandasına, qadınlar isə Yeni Zelandiyaya qarşı oynayıb. Bu barədə Trend "İnterfaks"a istinadən məlumat verir.
"Bu, şotland olduğuma görə mənim şəxsi seçimimdir", - "Daily Mail" qəzeti Littldən sitat gətirir.
Böyük Britaniyanın kişilərdən ibarət yığmasının baş məşqçisi Stüart Pirs bəyan edib ki, bəzi oyunçuların himni oxumamalarında heç bir problem görmür.