Azərbaycan, Bakı, 7 avqust /Trend/
Azərbaycan boksçusu Məhəmmədrəsul Məcidov (91 kq) Olimpiya Oyunlarının yarımfinalına vəsiqə qazanıb.
Trend-in məlumatına görə, 1/4 final mərhələsində onun rəqibi rusiyalı idmançı Maqomed Ömərov olub.
İlk raund bərabər hesabla başa çatıb - 4:4. İkinci raundda rusiyalı idmançı üstün olub - 4:7. Həlledici raundda isə boksçumuz rəqibini 7:3 hesabı ilə məğlub edərək yarımfınala yüksəlib.
Bununla Məhəmmədrəsul Məcidov özünə ən azı bürünc medalı təmin edib.