Azərbaycan, Bakı, 20 sentyabr / Trend müxbir M.Əliyev/
"Qəbələ" klubu Azərbaycan çempionatında liderliyə yüksəlib. Trend-in məlumatına görə, Premyer Liqada bu gün keçirilən 7-ci turun açılış oyununda "Qəbələ" öz meydanında "Rəvan" klubunu qəbul edib.
Oyunda Yuri Syominin komandası 3-0 hesabı ilə qələbə qazanaraq xal ehtiyyatını 15-ə yüksəldib və çempionatda liderliyə qalxıb.
"Qəbələ"nin heyətində qolları Daniel Subotiç (8 dəq), Vladimir Levin (9 dəq), Leonardo da Silva (53 dəq - pen.) vurublar.
Qeyd edək ki, 7-ci turun digər oyunları "İnter" - "Bakı", "Neftçi" - "Sumqayıt", "Qarabağ" - "Simurq", AZAL - "Xəzər Lənkəran" qarşılaşmalarıdır.