Azərbaycan, Bakı, 13 yanvar /Trend, müxbir Məftun Salmanov/
2014-cü ilin yekunlarına görə dünyanın ən yaxşı futbolçusu seçilməsi Kriştiano Ronaldonun "Instagram" sosial şəbəkəsindəki abunəçilərinin sayını xeyli artırıb.
Trend-in məlumatına əsasən, "Qızıl top" sayəsində portuqaliyalı futbolçunun adıçəkilən şəbəkədəki abunəçilərinin sayı yanvarın 12-də 133 min nəfər artıb.
Bununla da Madrid "Real"ının forvardının "Instagram"dakı abunəçilərinin ümumi sayı 10,8 milyonu ötüb.
Qeyd edək ki, ulduz futbolçunun abunəçiləri digər sosial şəbəkələrdə də artıb.