Azərbaycan, Bakı, 9 aprel /Trend/
"Qarabağ" klubunun futbolçusu Namiq Ələsgərov uğurla əməliyyat olunub.
Trend AFFA-ya istinadən məlumat verir ki, Avro-2016-nın seçmə mərhələsi çərçivəsində martın 28-də Tofiq Bəhramov adına Respublika stadionunda Azərbaycan və Malta milli komandaları arasında keçirilmiş oyunda zədələnən N.Ələsgərov Almaniyada uğurla cərrahiyə əməliyyatı olunub və bu gündən etibarən fizioterapiya kursuna başlayıb.
Qeyd edək ki, N.Ələsgərovun bütün müalicə xərci AFFA tərəfindən ödənilir.