Bakı. Trend:
Fransada futbol üzrə Avropa çempionatının qrup mərhələsi davam edir.
Trend-in məlumatına görə, günün ilk oyununda Belçika və İralndiya yığmaları qarşılaşıblar.
Oyuna belçikalılar fəal başlasalar da, bütün qollar ikinci hissədə vurulub. Əvvəlcə Romelu Lukaku irlandları məyus edib. 61-ci dəqiqədə Aksel Vitsel fərqi artırıb. Bundan 9 dəqiqə sonra R.Lukaku dubla imza atıb - 3:0.
Beləliklə, E qrupunda Belçika 2 oyundan 3 xalla ikinci sıradadır. 1 xallı İrlandiya İsveçlə 3-4-cü yerləri bölüşür. 6 xallı İtaliya liderdir.
