Bakı. Trend:
Bu gün Premyer Liqanın VII turuna start verilib.
Trend-in məlumatına görə, turun ilk oyunu Bakıda keçirib. "İnter" doğma meydanda digər paytaxt təmsilçisi "Zirə"ni qəbul edib.
İlk qol meydan sahiblərindən gəlib - 22-ci dəqiqədə Ağabala Ramazanov fərqlənib.
Uzun müddət üstünlüyünü qoruyan "İnter" yalnız son dəqiqələrdə qələbəni əldən verib. 90+1-ci dəqiqədə Viktor İqbekoyi son nöqtəni qoyub - 1:1.
Beləliklə, 7 oyundan sonra "İnter" 15 xalla ikinci, "Zirə" isə 6-cı yerdədir.