Bakı. Trend:
“Real Madrid” futbol klubu İspaniya Çempionatının 4-cü turu çərçivəsində “Atletik Bilbao” komandası ilə qarşılaşıb.
Trend-in məlumatına görə, oyun 1:1 hesablı heç-heçə ilə yekunlaşıb. Oyunda hesabı 32-ci dəqiqədə meydan sahibləri “Atletik” açıb. Fərqlənən İker Munyain olub. Madridlilər hesabı 63-cü dəqiqədə bərabərləşdirib, İsko qol vurub.
Beləliklə, “Real” 10 xalla turnir cədvəlində ikincidir və lider “Barselona”dan 2 xal geri qalır.