Bakı. Cani Babayeva - Trend:
Bakıda Milli Gimnastika Arenasında idmançılar rahat çıxış edirlər.
Trend-in məlumatına görə, bunu Trend-ə ABŞ yığmasının məşqçisi Marqarita Mamzina deyib.
M.Mamzina qeyd edib ki, Bakıda gimnastika arenasının zalı rahat və xoşagələndir:
"Xalçaya çıxanda gimnastların arenadan qorxması, geniş tamaşaçı qorxusu yoxdur - burada hər şey çox rahatdır. İşıqlandırma, zalın bəzədildiyi rənglər, burada işləyən insanlar - hər şey gözəl təəssürat yaradır".
Qeyd edək ki, Milli Gimnastika Arenasında keçirilən dünya çempionatı sentyabrın 16-da başlayıb və sentyabrın 22-dək davam edəcək. 61 ölkədən 300-dən artıq gimnast, çempionatda 9 dəst medal uğrunda mübarizə aparacaq.
Bakıda keçirilən möhtəşəm dünya çempionatının şüarı: "Nağıllar həyatda gerçəkləşəcək"dir ("Fairy Tales will come to life").