Bakı. Trend:
Bu gün Qətərdə keçirilən futbol üzrə Dünya Çempionatının 1/8 final mərhələsində növbəti oyun baş tutub.
Trend xəbər verir ki, Fransa və Polşa yığmalarının qarşılaşdığı matçda fransalılar 3:1 hesablı qələbə qazanıblar.
Fransanın heyətində qolları Olivye Jiru (44-cü dəqiqə) və Kilian Mbappe (74 və 90+1-ci dəqiqələr), Polşanın yeganə qolunu isə 90+9-cu dəqiqədə Levandovski vurub.
Beləliklə, Fransa millisi bu qələbə sayəsində 1/4 final mərhələsinə yüksəlib. Fransanın 1/4 final mərhələsindəki rəqibi bu gün saat 23:00-da baş tutacaq İngiltərə-Seneqal matçından sonra bəlli olacaq.