Bakı. Trend:
“Qarabağ” – “Qalatasaray” oyununun biletləri sabah satışa çıxarılacaq.
Trend xəbər verir ki, bu barədə “Qarabağ”ın rəsmi feysbuk səhifəsində paylaşım edilib.
Bildirilib ki, “Qarabağ” və Türkiyənin “Qalatasaray” klubları arasında xeyriyyə məqsədi ilə keçiriləcək yoldaşlıq görüşünün biletləri sabah saat 11:00-dan satışa çıxarılacaq:
"Biletlərin qiyməti müvafiq olaraq 3, 5, 30, 50 və 100 manat arasında dəyişir.
Biletləri Tofiq Bəhramov adına Respublika stadionunun kassaları, iticket.az, iticket.az-ın satış məntəqələri, “Park Bulvar”da yerləşən “Qarabağ” FK-nın Fan-Şopunda əldə edə bilərsiniz".