Bakı. Trend:
İtaliyanın "İnter" futbol klubunun qapıçısı Samir Handanoviç komandadan ayrılıb.
Trend-in məlumatına görə, bu barədə klubun mətbuat xidməti bildirib.
Məlumata əsasən, onun klubdan getmə səbəbi müqaviləni başa çatması ilə bağlıdır. "İnter"in kapitanı olan S.Handanoviç 11 mövsüm klubda çıxış edib.
Samir Handanoviç "İnter"ə 2012-ci ildə "Udineze"dən keçib. O, Milan klubunda çıxış etdiyi müddətdə 455 oyun keçirib, onlardan 166 matçda qol buraxmayıb. "İnter"lə birlikdə İtaliya A Seriyasının qalibi olub və iki dəfə İtaliya Kubokunun qalibi olub.