Bakı. Trend:
Bu gün AFFA İntizam Komitəsinin iclası keçirilib.
Trend xəbər verir ki, iclasda Premyer Liqanın 22-ci turunun oyunlarındakı qayda pozuntuları ilə bağlı qərarlar qəbul olunub.
“Kəpəz” – “Səbail” oyununda “Kəpəz”in 6 futbolçusu sarı vərəqə aldığına görə klub 700 manat cərimə edilib. “Kəpəz” klubunun futbolçusu Vurğun Hüseynov hakimin qərarına etiraza görə ikinci “sarı”dan qırmızı vərəqə aldığı üçün 1 oyun cəzalanıb, klubu 500 manat cərimə edilib.
“Səbail”in 4 futbolçusu sarı vərəqə aldığına görə klub 700 manat cərimə edilib.
"Araz-Naxçıvan” – “Neftçi” oyununun fasiləsində meydan sahiblərinin məşqçisi Vadar Nuriyev hakimin qərarına etiraza görə birbaşa qırmızı vərəqə aldığı üçün 2 oyun cəzalanıv, “Araz-Naxçıvan” 1500 manat cərimə edilib.
“Neftçi”nin 5 futbolçusu sarı vərəqə aldığına görə klub 700 manat cərimə edilib.
"Neftçi”nin azarkeşləri tərəfindən rəqib futbolçuların ünvanına kütləvi şəkildə təhqiramiz ifadələr səsləndirildiyinə görə “Neftçi” klubu 1000 manat cərimə edilib.