Bakı. Trend:
“Sabah” Konfrans Liqasında növbəti oyununu keçirib.
Trend İdman.biz-ə xəbər verir ki, Premyer Liqanın bürünc mükafatçısı III təsnifat mərhələsinin ilk matçına çıxıb.
Krunoslav Renduliçin yetirmələri “Sent Patriks”lə görüşüb. Təmsilçimiz səfər matçında 0:1 hesabı ilə uduzub. Birinci hissənin sonlarında vurulan qol oyunda yeganə olub.
Qeyd edək ki, komandalar arasında cavab oyunu avqustun 15-də Bakıda olacaq.
xxx
23:30
UEFA Konfrans Liqasının III təsnifat mərhələsinin ilk görüşü çərçivəsində davam edən "Sent Patriks Atletik" (İrlandiya) - "Sabah" görüşündə ilk hissə yekunlaşıb.
Trend xəbər verir ki, "Tallqat" stadionundadakı matçda meydan sahibləri fasiləyə üstün yollanıblar - 1:0.
Romal Palmer (35`) fərqlənib.
xxx
22:45
UEFA Konfrans Liqasının III təsnifat mərhələsinin ilk görüşü çərçivəsində "Sent Patriks Atletik" (İrlandiya) - "Sabah" görüşü start götürüb.
Trend xəbər verir ki, qarşılaşma "Tallqat" stadionunda keçirilir.
xxx
22:35
“Sabah” Konfrans Liqasında növbəti oyununu keçirəcək.
Trend İdman.biz-ə istinadən xəbər verir ki, Premyer Liqanın bürünc mükafatçısı III təsnifat mərhələsinin ilk matçına çıxacaq.
Krunoslav Renduliçin yetirmələri “Sent Patriks”lə görüşəcək. Matç İrlandiyada baş tutacaq.
Qeyd edək ki, komandalar arasında cavab oyunu avqustun 15-də Bakıda olacaq.
Konfrans Liqası
III təsnifat mərhələsi
İlk oyun
8 avqust
22:45. “Sent Patriks” (İrlandiya) – “Sabah”
"Sent Patriks": 94. Jozef Ananq, 21. Aksel, Sjoberq, 5. Tom
Qrivosti, 4. Jozef Redmond, 3. Antoni Breslin, 6. Lami Lennon, 8.
Kris Forrester, 17. Romal Palmer, 20. Cek Mulraney, 18. Aydan Kina,
26. Zahari Elbuzedi
Baş məşqçi: Stefen Kenni
"Sabah": 1. Yusif İmanov, 2. Amin Seydiyev, 44. Sofian Çakla, 3.
Con İrazabal, 7. Boyan Letiç, 13. İvan Lepinitsa, 4. Elvin Camalov
(k), 70. Cesse Sekidika, 11. Kahim parris, 18. Pavol Şafranko, 20.
Coy Lens-Mikels
Baş məşqçi: Krunoslav Renduliç