Bakı. Trend:
Albaniyanın paytaxtı Tiranada güləş üzrə U-23 dünya çempionatı davam edir.
Trend İdman.biz-ə istinadən xəbər verir ki, mundialın üçüncü günündə yunan-Roma güləşçiləri daha 5 çəkidə mükafatçıları müəyyənləşdirəcəklər.
Azərbaycan millisinin 2 idmançısı medal üçün mübarizə aparacaq.
U-23 dünya çempionatı
Yunan-Roma güləşi
55 kq
Keçirdiyi bütün görüşləri qələbə ilə başa vuran Rəşad Məmmədov
final qarşılaşmasına çıxacaq. Onun rəqibi iranlı Ahmad Vafa olub.
3:11 hesabı ilə uduzan Məmmədov dünya ikincisi olub.
77 kq
Bürünc şansını qoruyan Xasay Həsənli təsəlliverici görüşdə
belçikalı İbrahim Tabayavla güləşib. Görüş təmsilçimizin 3:2
hesablı qələbəsi ilə başa çatıb. Həsənli 3-cü yer uğrunda görüşdə
Temuri Orjonikidze (Gürcüstan) ilə üz-üzə gələcək.
Qeyd edək ki, dünya çempionatının ilk iki günündə xalçaya çıxan güləşçilərimiz bir medal qazanıb. Yeganə uğura imza atan Nihat Quluzadə 60 kq çəkidə bürünc əldə edib.