Bakı. Trend:
Bu gün Türkiyə Super Liqasının 10-cu turunun son oyunu keçirilib.
Trend-in məlumatına görə, həftənin matçı İstanbul derbisi ilə yekunlaşıb.
"Qalatasaray" evdə "Beşiktaş"ı qəbul edib. Oyun meydan sahiblərinin üstünlüyü ilə başlayıb və "sarı-qırmızılar" ardıcıl olaraq iki qol vurmağı bacarıb. "Beşiktaş" isə matçın son dəqiqələrində təsəlli qolu ilə fərqlənsə də, nəticəni dəyişə bilməyib.
Bu qələbə ilə "Qalatasaray" 28 xal toplayaraq turnir cədvəlinin zirvəsinə yüksəlib, "Beşiktaş" isə 20 xalla 4-cü sırada qərarlaşıb.
"Qalatasaray" - "Beşiktaş" 2:1
Qollar: Davinson Sançez, 13, Viktor Osimhen, 67 – Ernest Muçi, 90+3
"Qalatasaray" heyəti: Fernando Muslera, Kaan Ayhan, Davinson Sançez, Abdülkerim Bardakçı, Barış Alper Yılmaz, Lukas Torreira, Gabriel Sara, Rolan Sallai, Yunus Akgün, Viktor Osimhen, Mauro İkardi
"Beşiktaş" heyəti: Ersin Destanoğlu, Jonas Svensson, Felix Uduokhai, Emirhan Topçu, Arthur Masuaku, Cher Ndour, Gedson Fernandes, Ernest Muçi, Rafa Silva, Semih Kılıçsoy, Ciro İmmobile