Bakı. Trend:
"Liverpul"un baş məşqçisi Arne Slot, bu komandanın tarixində rekord göstərici ilə yadda qalıb.
Trend xəbər verir ki, Mersisayd təmsilçisinin yeni baş məşqçisi Premyer Liqada keçirdiyi ilk 10 matçda 8 qələbə qazanaraq bu uğura imza atıb. İndiyə qədər heç bir mütəxəssis "Liverpul"da bu qədər uğurlu nəticə göstərməyib.
Mövsümün əvvəlində Slotun komandası "İpsviç", "Brentford", "Mançester Yunayted", "Vulverhempton", "Bornmut", "Kristal Pelas", "Çelsi" və "Brayton" üzərində qələbə qazanıb. Slotun komandası yalnız "Nottingem Forest"ə evdə uduzub, "Arsenal"la isə səfərdə heç-heçə oynayıb.
"Liverpul" 10 turda 25 xal toplayaraq, Premyer Liqanın turnir cədvəlində liderdir.
Bundan əvvəl Vilyam Konnel Premyer Liqanın ilk 10 matçında klubun məşqçiləri arasında ən yaxşı startı göstərmişdi: yeddi qələbə, üç heç-heçə.
Qeyd edək ki, niderlandlı mütəxəssis bu yay "Liverpul"la müqavilə imzalayıb və 2027-ci il iyunun 30-na qədər Mersisayd klubunu çalışdıracaq.