Bakı. Trend:
Azərbaycanın stolüstü tennisçisi Onur Quluzadə Qətərin paytaxtı Dohada təşkil olunan “WTT Youth Contender Doha 2025” turnirində uğurlu çıxış edib.
Azərbaycan Stolüstü Tennis Federasiyasından Trend-ə verilən məlumata görə, U-15 kateqoriyasında yarışan Onur qrup mərhələsində Birləşmiş Ərəb Əmirlikləri və Türkmənistan idmançılarını məğlub edərək lider kimi növbəti mərhələyə yüksəlib. Daha sonra Bəhreyn, Tailand və Malayziya təmsilçilərinə qalib gələrək finala adlayıb.
Gərgin keçən həlledici qarşılaşmada İran idmançısına 2:3 hesabı ilə məğlub olan Onur Quluzadə turnirin gümüş medalına layiq görülüb.