Bakı. Trend:
InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
EUR
EUR/USD məzənnəsi keçən heftə ərzində 1.09$ ətrafında ticarət olunub. Təhlillərə görə, qiymət yenidən 1.0820$-a kimi ucuzlaşarsa və bu səviyyənin altında qalarsa, 1.0718$-a kimi də ucuzlaşa bilər. Bu həftə isə məzənnəyə təsiri baxımından Fransada keçiriləcək prezident seçkisinin yekun mərhələsi və Avropa Mərkəzi Bankının siyasəti fonunda gözləntilər, Amerikanın əmək bazarında son vəziyyət və hökümətinin yeni vergi islahatı ilə bağlı açıqlamaları investorların diqqət mərkəzində olacaqdır.
GBP
Böyük Britaniya funt sterlinqin qiyməti müəyyən korreksiyadan sonra yenidən 1.29$-a kimi bahalaşıb. Böyük Britaniyanın hökümətinin Avropa Birliyi ilə bağlı siyasi kursunun müəyyən olunması funtun qiymətinə olan inamı artırır. Ölkədə inflyasiya və işsizlik kimi digər iqtisadi göstəricilərin də son 3 ilin ən yaxşı səviyyəyə kimi yüksəlməsi, funta dəstək olan amillərdəndir və növbəti artım hədəfinin 1.3050$ olacağını deməyə əsas verir.
TRY
Türkiyə maliyyə bazarlarında isə Türkiyə Mərkəzi Bankının siyasətini daha da sərtləşdirməsi və digər amillər türk lirəsinin bahalaşmasına, dolların isə cari ilin minimum səviyyəsinə kimi ucuzlaşmasına səbəb olmuşdur. Artıq 3.54TL-ə kimi bahalaşan Türk lirəsi 3.51TL-ə kimi də dəyər qazana bilər.
OIL
Enerji bazarlarında isə bazarlarda təklifin yenidən artması ilə neft qiymətlərinin 50$-a kimi ucuzlaşmasının şahidi oluruq. Lakin növbəti günlərdə neft ölkələrinin ixracın məhdudlaşdırılması razılaşmasının ilin sonun kimi uzadılması danışıqları qiymətlərin yenidən 54$-a kimi bahalaşmasına təsir edə bilər.
GOLD
Əlvan metallar bazarlarında qızılın bir unsiya üzrə qiyməti 1260$-a (40.4$/qram) kimi ucuzlaşıb və cari həftə ərzində də qiymət bu səviyyənin altında qalarsa, əlavə olaraq 1246$-a (40.0$/qram) kimi də ucuzlaşa bilər.
İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.
“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.
Risk bildirişi
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.