...

"InvestAZ"dan dünya maliyyə bazarları ilə bağlı həftəlik analiz

İqtisadiyyat Materials 16 Oktyabr 2017 10:50 (UTC +04:00)
InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
"InvestAZ"dan dünya maliyyə bazarları ilə bağlı həftəlik analiz

Bakı. Trend:

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Dünya valyuta birjalarında Amerika Mərkəzi Bankının (FED) faiz artımı gözləntilərinin güclənməsi, Avrozonada siyasi və iqtisadi risklərin artması, avronun qiymətini də təzyiq altında saxlayır.

Belə ki, EUR/USD məzənnəsi keçən həftə ərzində 1.1879$-a kimi bahalaşdıqdan sonra yenidən ucuzlaşmağa başlayıb. Təhlillər onu göstərir ki, qiymət 1.18$-ın altında qalarsa, 1.1750 və 1.1670$-a kimi də ucuzlaşa bilər.

GBP

İngiltərə ilə Avropa Birliyi arasında “BREKSİT” danışıqlarının uğursuzluğu, İngiltərədə hökümətə olan təzyiqləri artırmaqla yanaşı, ölkə valyutasına olan inamın da zəifləməsinə təsir edir. GBP/USD məzənnəsi gələcək günlərdə, 1.3264 və 1.3218$-a kimi ucuzlaşarsa, burada da eniş dalğası 1.3145$-a kimi sürətlənə bilər.

Bu həftənin çərşənbə axşamı Bakı vaxtı ilə saat 12:30-da yayımlanacaq İngiltərənin inflyasiyası ilə bağlı statistik göstəricilər də investorların diqqət mərkəzindədir.

TRY

Türkiyə maliyyə bazarlarında Dollar/Lirə məzənnəsi keçən həftə 3.62TL-ə kimi ucuzlaşdıqdan sonra yenidən 3.65TL-ə kimi bahalaşmağa başlayıb və qiymət bu səviyyənin üzərində qalarsa, 3.68TL-ə kimi də bahalaşa biləcəyi proqnozlaşdırılır.

OIL

Avropanın Brent markalı neftinin bir barel qiyməti isə proqnozlaşdırıldığı kimi keçən həftə 57.15$-ı yuxarı istiqamətdə qırmaqla artım dalğasını 57.77$-a kimi sürətləndirib. Burada da təhlillər onu göstərir ki, qiymət 58.00 və 59.37$-a kimi də bahalaşa bilər.

GOLD

Dünyada siyasi risklərin artması, əlvan metallar bazarlarında qızıl qiymətlərinin də bahalaşmasına təsir edib. Artıq 1304$-a (41.2 $/qram) kimi dəyər qazanan qızılın bir unsiya üzrə qiyməti, gələcək günlər ərzində 1297$-ın üzərində ticarət edilməyə davam edərsə, 1320$-a (42.3 $/qram) kimi də bahalaşacağı proqnozlaşdırılır.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.

Məqalədə:
Xəbər lenti

Xəbər lenti