Bakı. Trend:
Artıq bitkoinlər plastik əsginas formasında satılacaq.
Trend-in məlumatına görə, Sinqapur mağazası olan "Megafash Suntec City" belə bir qərar qəbul edib.
Bildirilir ki, artıq bitkoinlərin plastik əsginas formasında satışına başlanılıb. Qeyd olunan valyutanı 2 formada almaq mümkündür: 0,01 və 0,05 ВТС.
Məlumata görə, plastik əsginaslar İsveçrənin "Tangem" startapı tərəfindən hazırlanıb.
Qeyd edək ki, bu əsginaslardan istifadə etmək üçün istifadəçiyə yalnız NFC texnologiyasını dəstəkləyən smartfon lazımdır.