...

"Facebook" serverlərin çökməyinin səbəbini açıqladı

İqtisadiyyat Materials 5 Oktyabr 2021 10:46 (UTC +04:00)
"Facebook" serverlərin çökməyinin səbəbini açıqladı

Trend-i buradan izləyin

Bakı. Orxan Nəbiyev - Trend:

Ötən gün "Facebook" sosial şəbəkəsinin serverlərinin çökməsi magistral marşrutizatorların konfiqurasiyasının yanlışlıqla dəyişdirilməi nəticəsində baş verib.

Trend-in məlumatına, bu barədə "Facebook"un nöqsan aradan qaldırıldıqdan sonra yaydığı bəyanatda deyilir.

Qeyd edək ki, magistral marşrutizatorlar müxtəlif data mərkəzləri arasında məlumatın ötürülməsini təmin edən avadanlıqlardır.

Bəyanatda qeyd olunur ki, mühəndislər konfiqurasiyada yanlışlıqla dəyişikliklər edib və nəticədə data mərkəzləri arasında əlaqə pozulub.

Eyni zamanda "Facebook" şirkətinin ofisində elektron qurğular da sıradan çıxıb ki, bununla əlaqədar əməkdaşlar giriş kartları ilə ofisə daxil ola bilməyiblər.

Yaranan qüsur nəticəsində "Facebook" və şirkətə məxsus "Messenger", "WhatsApp" və "Instagram" yeddi saata yaxın müddət ərzində işləməyib.

Bununla yanaşı, şirkət yayılan məlumatlara baxmayaraq istifadəçilərin məlumatlarının sızmasının qeydə alınmadığını bildirib.

Məqalədə:
Xəbər lenti

Xəbər lenti